Ewa! Ewa! Ewa!
Ao! mɛni amanehulu kple nɛ?
Te aye akɛɛ tɛŋŋ ni tso ni atɛo yɛ faa toi ni woɔ yibii kpakpai ehaa Ga, Dangme kɛ Ghana jaku maŋ lɛ fɛɛ eku nɛɛ?
Ga Dangme Council kɛ wɔtsɛ Owula Ebenezer Lartey shra be fioo. Yɛ shramɔ nɛɛ mli lɛ wɔna akɛ kɛji akɛɛ GaDangme nyo lɛ agugui yɛ mli. No ji akɛ jeee ni mɔko miiwie Ga loo eefee enii tamɔ Ganyo pɛ ni feɔ mɔ Ganyo, shi agugui ni yɔɔ Ganyo feemɔ mli lɛ wɔtsɛ, wɔnyɛmi, wɔŋaawolɔ Owula Ebenezer Lartey ha wɔle nɛkɛ agugui nɛɛ fɛɛ.
Wɔtsɛ ni yaa nɛɛ toi mli tse jogbaŋŋ kɛji eba lɛ Ga wiemɔ ni asaŋ hu ehiɛ Ga kɛ Dangme kusum lɛ fɛɛ yɛ ewaonaa.
Wɔkɛ wɔsane kɛɔ akɛ, woloŋmalɔi babaoo yɔɔ Ghana nɛɛ ni mɛi babaoo kaneɔ nɛkɛ woji nɛɛ shi wɔbi wɔhe akɛ woji nɛɛ ateaŋ enyiɛ ehe shi yɛ jeŋ koji ejwɛ lɛ fɛɛ? Wɔtsɛ nɛɛ shwɛmɔi fɛɛ lɛ, lɛ diɛŋtsɛ ekɛ dumɔ shi ni eshwɛ yɛ kpoku nɔ, radio nɔ kɛ tɛlivishiŋ fɛɛ nɔ kɛjie wɔ obɔade kusumii nifeemɔi akpo. Agbɛnɛ hu kɛbaa wɔ GaDangme wiemɔ lɛ yi.
Eeehi ni mɔko baakpɔtɔ Ga wiemɔ lɛ nɔŋŋ kɛkɛ lɛ ebaajaje mɔ lɛ. Mr Mensah, onitsumɔi ni obatsu lɛ kɛji akɛɛ abaawie fɛɛ lɛ belɛ anyɛŋ ashi biɛ shi moŋ wɔhiɛ kpaŋ otsɔsemɔi, oŋaawoi kɛ onitsɔɔmɔi ni okɛwa wɔ GaDangme ku nɛɛ, titri lɛ wɔ GaDangme kusumii lɛ ayibaamɔ. Wɔhemɔkɛyeli ji akɛ awoŋa ni obaye yɛ omaŋwiemɔ lɛ he lɛ baafee okɔ eha GaDangmebii ni baa lɛ ni amɛhu amɛfee nakai kɛwo GaDangme wiemɔ lɛ nɔ koni ekalaaje tamɔ bɔni mɛikomɛi wieɔ lɛ. Nii Mensah Oketeku Dade, ŋaawolɔ kpakpa, miishɛjelɔ, hiɛtsɛrɛjielɔ, wɔkɛɛ oyawɔ jogbaŋŋ yɛ Nuntsɔ lɛ kpɔkɔiaŋ.
No comments:
Post a Comment